28 يونيو 2022 07:13 29 ذو القعدة 1443
بوابة الكلمة رئيس التحرير هشام جاد رئيس التحرير التنفيذي محمد خضر
ميديا

أوعى تسيب أبوك.. حسام موافي: مفيش عيان يُحرم من العلاج عشان معهوش فلوس.. فيديو

بوابة الكلمة

قال الدكتور حسام موافي، أستاذ طب الحالات الحرجة بقصر العيني، إنه لا يوجد مريض في مصر يُحرم من العلاج لأنه ليس لديه أموال.

وأضاف حسام موافي، خلال برنامج «رب زدني علمًا» المذاع على قناة «صدى البلد»: «مفيش عيان يحرم من علاج عشان معهوش فلوس، مسمعناش عنها دي، لأن عندنا حاجة اسمها قرار علاج على نفقة الدولة، لو ملوش تأمين، في حين إن 99% من العاملين لهم تأمين».

وأوضح أستاذ طب الحالات الحرجة بقصر العيني ردًا على سؤال أحد متابعي البرنامج حول عدم استطاعة والده إجراء عملية قلب مفتوح لافتقاره الأموال الكافية، أنه يوجد مكتب في جميع المحافظات خاص باستخراج قرار العلاج على نفقة الدولة: «أوعى تسيب أبوك».

وأردف حسام موافي: «مفيش حاجة اسمها مريض يحرم من العلاج عشان مش معاه فلوس دي مش في الطب، ممكن يحرم من بناء عمارة عشان مش معاه فلوس ماشي، ويحرم من شراء عربية، إنما العلاج لا، إطلاقًا».

واختتم أستاذ طب الحالات الحرجة بقصر العيني: «ممكن تعمل العملية في أحسن الأماكن، وعندنا في القصر العيني في القسم المجاني، كله على نفقة الدولة بعد ما المريض يجيب ورقة صغيرة.

وشدد حسام موافي على ضرورة السعي لاستخراج قرار العلاج على نفقة الدولة في حالة كان المريض لا يمتلك القدرة المالية، مضيفًا أن جراحة القلب المفتوح متوفرة في جميع الأماكن بالمجان وبجودة عالية.

أوعى تسيب أبوك حسام موافي: مفيش عيان يُحرم العلاج عشان معهوش فلوس فيديو