6 أكتوبر 2022 18:39 11 ربيع أول 1444
بوابة الكلمة رئيس التحرير هشام جاد
ثقافة وفنون

الترند عمل ”هوس”| دينا الشربيني: ”ناس بتدفع فلوس عشان تتشتم وتشتهر بالكذب”

بوابة الكلمة

أكدت الفنانة دينا الشربيني، أنها لا تهتم بتصدر الترند وتؤمن بأن الترند ليس مقياس النجاح، قائلة: "مش بيفرق معايا الترند وهو بيفرق مع ناس تانية ولكن هو مش مقياس النجاح، والترند هوس، وحد قالي من اللي ماسكين ليا السوشيال ميديا أن فى ناس بتدفع فلوس عشان تتشتم وتطلع ترند".

وعبرت الفنانة دينا الشربيني، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، عن استغرابها بفكرة البحث عن الترند بهذه الطرق الغريبة، مضيفة: "حاجة غريبة انك تدفع فلوس عشان تشتري كذبة وتطلع ترند"، مؤكدة أنها لم تلجأ خلال مشوارها إلى الواسطة.

وأشارت الشربيني إلى أنها لا تدعم الزواج القائم على فكرة المال فقط دون حب، قائلة: "الست اللي تتجوز من غير حب عشان الفلوس ست مش ذكية، لان الفلوس ساعات بتبوظ وده مش معناه ان الفلوس مش مهمة ولكن الحب أحلى حاجة".

أكدت الفنانة دينا الشربيني، أنها من محبي النجم محمد رمضان ولا تراه شخص مغرور كما يروج البعض، قائلة: "بحب محمد رمضان جدا وهو بيتعامل مع الناس عكس اللي بيتقال والناس فى الشارع بتحبه، وهو بني ادم كويسة ومشوفتش منه أي غرور".

وعلقت الفنانة دينا الشربيني، على حقيقة خلافها مع محمد رمضان بسبب تفاوت مساحة الأدوار في مسلسل المشوار، قائلة: "مفيش بيني وبين رمضان أي خناقات وعمري ما بقياس دور مين اكبر مني والمسلسل عبارة عن رحلة".

وأشارت الفنانة دينا الشربيني، إلى أنها ترى طريقة تعامل محمد رمضان الخاصة مع جمهوره وحب الناس له في الشارع، متابعة: "عارفه أنه ممكن بيتقال عليه كده وبيتعامل مع جمهوره بطريقة خاصة، وكل مواقفه معايا جميلة ومشوفتش منه حاجة وحشة".

الترند عمل هوس دينا الشربيني ناس بتدفع فلوس عشان تتشتم وتشتهر بالكذب