أمير كرارة لـ”حبر سري”: ”رامز جلال مش بيرحم ونفسي أشارك في مقلب معاه.. ولو طلب هوافق”

أكد النجم أمير كرارة، اقتناعه بفكرة الظهور كضيف شرف مع زملاؤه النجوم، قائلا: "ظهور الفنان كضيف ضرف ده بيبقى واجب بنعمله مع أصحابنا ولكن لازم أكون رايح اعمل دور شرف في حاجة تستحق اعمل ضيف شرف وممكن اجامل، ووافقت أكون ضيف شرف مع رامز جلال في فيلم سبع البرومبه".

وأضاف الفنان امير كراره، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، أن فيلم سبع البرومبة كويس جدا وضم نجوم كبار كضيوف شرف، متابعا: "رامز نجم كبير ومحبوب وأفلامه الكوميدية لذيذة وضيف الشرف كان احمد السقا وياسر جلال وأنا، وكانت تجربة جميلة ولو مش عاجبني كنت هقول مش عايز".

وعن رأيه في مقالب رامز جلال، رد قائلا: "رامز جلال يستحق أننا نجامله ولو طلب اشارك معاه فى مقلب نفسي اشارك معاه نعمل مقلب، وبحب برنامجه قوي وأفكاره مجنونة ومطرقعة وتخيلت قبل كده أنه يستضيف حد من النجوم ونعمل مقلب وهو مش بيرحم".