الجواز والخلفة نصيب | سمية الخشاب تكشف عن مستوى علاقتها بالفنانات غادة عبد الرازق ورانيا يوسف
أكدت الفنانة سمية الخشاب، أن المنصات أصبحت تتناول كل الموضوعات والمشكلات وانتشرت معه فكرة المثليين، قائلة: "المثليين كتروا وانتشروا بشكل غير طبيعي وكتير من الافلام اللي بتتعمل عل المنصات بشكل مش طبيعي بتتكلم عن المثليين".
وردت الفنانة سمية الخشاب، خلال حوارها ببرنامج "حبر سري" مع الاعلامية اسما ابراهيم، على قناة القاهرة والناس، على موقفها حال العرض عليها دور سيدة لها ميول جنسية غير طبيعية على منصة عالمية، قائلة: "لو فى أمامي موضوع هادف وحاجة غير منافية لعادات وتقاليدنا وديننا اكيد هعملها مش فكرة انى بعمل حاجة عيب او حرام".
وتابعت: "الفن فيه حدود وسقف ولكن طالما موضوع هادف ليه لا معملش الدور، وممكن نتناول موضوع حساس زي المثليين من غير ما نجرح المشاهد من طريقة الأداء وكتابة السيناريو وتعتمد على مخرج شاطر وورق كويس".
أكدت الفنانة سمية الخشاب، أنها على علاقة جيدة بالفنانات غادة عبد الرازق ورانيا يوسف والمقارنة بينهم صعبة، قائلة: "أنا ورانيا يوسف وغادة عبد الرازق مفيش حد زي حدا وفى ناس بتطلع وترجع تقعد شويه وده العادي وطبيعية الحياة وفى مستويات حبه فوق وحبه تحت".
وأوضحت أن كل مرحلة تفرض عملها والانتشار مراحل، مضيفة: "أنا بحب رانيا وغادة واتابع زملائي ورانيا فى مرحلة انتشار وتتعرف اكثر لحد ما توصل لمرحلة انها تبقى مش عايزة تشتغلي كتير وتعمل عمل واحد افضل".
وعن حال اشتراط شخص عليها ترك عملها مقابل الزواج والأسرة، ردت قائلة: "الجواز والخلفة ده نصيب وملوش علاقة بحاجة وفى ناس كتير مشهورة وعندها بيت وأولاد والحاجات دي بتاعت ربنا ولو جه راجل اشترط يقعدني فى البيت ده مرفوض ليه يتشرط عليا ده انا اللي اتشرط عليه".
