أيتن عامر : ”معنديش فوبيا من الحسد .. كل حاجة مكتوبة عند ربنا”
أكدت الفنانة أيتن عامر، أنها لا تخشى من الحسد ولا تصدق فيه رغم تحذير المقربين منها من الحسد، قائلة: "أنا مش بخاف من الحسد ولا أصدق فيه واللي حوليا كلهم بيقنعوني أنه موجود وغلط، ولكن أنا بقول كل حاجة مكتوبة عند ربنا ومعنديش فوبيا من الحسد وعارفه انه موجود".
وأوضحت الفنانة أيتن عامر، خلال حواره ببرنامج "حبر سري" مع الاعلامية اسما ابراهيم، على قناة القاهرة والناس، أنها لا تنشر صور ابنائهم على السوشيال ميديا ليس خوفا من الحسد ولكن لأنها عانت في طفولتها من شهرة أختها النجمة وفاء عامر ولا تريد أن يعاني أبناءها من نفس الظروف.
وتابعت: "مش بنزل صور ولادي على السوشيال ميديا عشان أنا عنيت من وأنا صغيرة من شهرة اختي فمش بنشر صور ولادي عشان ميتعرضوش لنفس المعاناة، وأنا كنت فى فترة عانيت من هذا وركزت فى دائرة الصحاب وعشان كده معنديش صحاب كتير".
وأكدت الفنانة أيتن عامر، أن شائعات اجراءها عمليات التجميل من أكثر الشائعات التي تحزنها، قائلة: "شائعة عمليات التجميل من اكثر الحاجات اللي بتضايقني واللي بيكتب كده بيصعب عليا، وانا من الناس الصريحة ولو عملت عملية تجميل هقول".
وأضافت الفنانة أيتن عامر، أن اجراء عمليات التجميل حرية شخصية وكل انسان من حقه يعجب بنفسه في الشكل الذي يريد أن يظهر به، متابعة: "دي حرية شخصية وكل واحد من حقه يعجب بنفسه في الشكل اللي عايزه ولازم نقول لكل واحده أنك جميلة وحلوة فى كل الاشكال".
وأشارت أيتن عامر، إلى أن هناك الكثير من المواقع وصفحات اليوتيوب التي تختلق الشائعات من أجل زيادة الترفيك، مضيفة: "الناس فاهمه هذه الشائعات ولحد دلوقتي الرقابة فين من المواقع وقنوات اليوتيوب دي، وبيعملوا حاجات يلموا من وراها فلوس ومش شايفة شخصيا ان فى حد مركز معايا".
