شريف منير يكشف عن رأيه في مطربي المهرجانات

استضافت الإعلامية لميس الحديدى، على قناة ON، الفنان شريف منير في برنامج "كلمة أخيرة" وتحدث عن قرارات هانى شاكر الأخيرة قائلا: "أنا بحب ويجز لأنه مجتهد وشاطر وبيعمل صورة حلوة، ومش بيقول كلام وحش، وأعتقد ان صلاح جاهين لو كان عايش كان هايحب ويجز".

وأضاف شريف منير: "هانى شاكر مش ممكن يمنع موسيقى معينة، ولو حد عنده طاقة غنائية وبيعرف يغنى وحتى لو بيغنى وصوته أجش، مش ممكن هانى شاكر هيمنعه، لكن هو بيتكلم عن الكلام أن الناس تعمل كلام كويس مش ألفاظ مسيئة".

وتابع شريف منير: "المهرجانات لها شعبية كبيرة وممكن بكلامه يصلح جيل بحاله، والموسيقى أذواق وفن في ناس بيعجبها المهرجانات وناس بيعجبها الأوبرا، وأنا ضد الكلام الخارج اللى يبوظ جيل، وضد الهجوم على هانى شاكر؛ لأن ده راجل له مكانة ومسؤول وبيتكلم صح وقال الكلام ده ممنوع وعنده حق".