أول تعليق من عبد الباسط حمودة عن قرار وقف مطربي المهرجانات من الغناء

استضاف الإعلامي عمرو أديب، في برنامج "الحكاية" المطربان الشعبيان عبد الباسط حمودة وعمر كمال، وتحدث عبد الباسط حمودة عن رأيه في أزمة مطربى المهرجانات والفنان هانى شاكر قائلا: "هانى شاكر عنده حق، ومغلطش لما قال انه يعمل امتحان واللى ينجح يبقى تمام واللى مش بيعرف يغنى هيعمله ايه يعنى، وأنا وجيلى من زمان بنروح للمصنفات ويشوفوا كلمات الأغنية قبل ما أغنيها، ولو فيه جملة مش هتنفع بيعترضوا وأغيرها"

وأضاف حمودة: "هانى شاكر مش عاوز لفظ خارجى، ومنقدرش نلومه في حاجة وهو لم يمنع شخص عن أنه ياكل عيش بس المهم أن المطرب يقول الكلمة الحلوة، وهانى شاكر قيمة وقامة وفنان كبير وفاهم كل حاجة، وكلام ده كله ميمنعش ان في مطربين في المهرجانات بتغنى كويس أوى".