السبت 14 ديسمبر 2019 الموافق 17 ربيع الثاني 1441
العدد الورقي مجلة طلع النهار
فوزي سعدة
فوزي سعدة

فضفضة

الأربعاء 26/يونيو/2019 - 10:28 م
طباعة
ساعات الواحد بيفيض به من الهموم، ويبقى عايز حد يفضفضله علشان يرتاح ويرمى همومه على جنب، اهوه محسوبكم النهاردة عايز أعيش دور المفضفض اللى هاتفضفضوله علشان ترتاحوا، بس اعملوا حسابكم ما هو أنا كمان أفضفض زيكم، علشان كده أنا هاعمل معاكم اتفاق ويارب يعجبكم، ما هو أصل هاحتاج مهدئات والذى منه علشان أنا أفرغ الشحنات الزيادة اللى هاتورطونى بها، بس بقولكم محدش يضحك علشان الهزار ما يقلبش لضحك، ونقلبها تهريج ماشى، هاقول العرض بتاعى وانتم حريين فى قبوله أو رفضه، لو سمحتم امنعوا الضحك، هبدأ أقول اهوه، اللى محتاج يفضفض ليا، فضفضة عادية 150 جنيه، فضفضة مع عياط 200 جنيه، فضفضة مع حل المشكلة 300 جنيه، فضفضة مع حل المشكلة ودعاوى على الشخص اللى مضايقك 1200 جنيه، وببلاش لغير القادرين وأسعارنا مش هاتلاقوها فى مكان تانى، واسأل بره، ملحوظة بمنابة الافتتاح عندنا "معلش "بأسعار هايلة"، نسمع ونقول اتفضل مع القارئ الأول، ايه ياصديقى شكوتك من ايه، مراتك زعلان معاها شوية، ياابنى ما أنا نصحتك من زمان وقولتلك اتجوز الست الفرفوشة، اللى بعد ما تنشر الفيل تشيل الطبق وتحطه على رأسها، وتطبل وتعملك فرح البيت، معانا القارئ التانى أتفضل ياحاج، مشكلتى انى بانسى كثير، ودلوقت ناسى أنا باكلملك ليه؟، تصدق أنا نفسى امبارح لقيت حل لموضوع النسيان ده، بس هاموت وافتكر كان ايه؟!، القارئ اللى بعده مشكلتك ايه ياضنايا، عايزين يجوزونى وأنا مش عايز، انت ايه رأيك فى مشروع الجواز ده؟، انا شايف إن الجواز ممكن نستغله كنوع من العقاب، اللى هو هاتسكت ولا تجوزك؟، اللى بعده أتفضل قول مشكلتك، أنا عملت بأصلى كثير مع الناس وفى الأخر ماطمرش فيهم؟، أنا ياحبيبى عملت زيك بأصلى مع ناس كثير، وكنت صابر وراضى، لحد ما صابر وراضى غمزولى وقالوا اخلع ده ناس بتوع مصالح، وانتى ياست "أصالة" ايه اللى بينك وبين خطيبك؟، عايز أقول بحبه ليه؟ بحبه، بس مش قايله!، يابنتى ما انتى كده قولتى!، اللى بعده، تصدق يااستاذ هايفتحوا "ديسكو" حلال، فيها ايه ياابنى يمكن هايبعوا فيه عرق سوس وتمر هندى!، السؤال اللى بعده، متعرفش لو سمحت طريق السعادة منين؟، لا والله أنا مش من المنطقة!، السؤال اللى يليه، لما جيت اجرى وراء هدفى الجزمة اتقطعت!، اقلعها وامشى حافى، بس اوعى مسمار يدخل رجلك، أقولكم علشان نرتاح ومن الأخر، علمتنى الحياة إن محدش بيسيب حد فى حاله، يعنى الواحد يبقى واقف مبسوط، والإتنين بتبص عليه والباب اللى يزود همك، سده ومتحرقش فى دمك أخيراً، لما جيت أضحك للدنيا، انت تعرفنى علشان متربى معايا؟. 

ads
ads
ads
ads
ads
ads
ads
ads
ads