الإثنين 22 أبريل 2019 الموافق 17 شعبان 1440
العدد الورقي مجلة طلع النهار

الابتسامه الجليه من القفشات المصريه

الخميس 27/ديسمبر/2018 - 05:09 م
جريدة الكلمة
أحمد عبد الرحمن
طباعة
الابتسامة في وجه اخيك صدقة ولكن عندنا  ..... !!!! حااااجه تااااني شوف يا سيدي
  بتبتسم لأخوك، يقولك مالك؟ 
بتبتسم لأمك ، تقولك عاوز ايه؟ 
بتبتسم لأبوك ، يقولك ما فيش فلوس !
بتبتسم لغريب ، يقولك انت تعرفني ؟
  بتبتسم لوحدة ، تمسح بيك الارض !
بتبتسم لوحدك . اتجنن وأتهبل !
لكن لما الراجل يموت يقولوا ما شاء الله مات و هو مبتسم 
‏​‏​‏​‏لو مجموعة شباب ركبوا المصعد يقولوا تخيلوا لو وقع بينا ؟! شعب حياته كلها اكشن فاكشن 
(حبيبك جه ) كلمة مصرية تأتي تلقائيا عند قدوم شخص تكرهه جدا . 
في كل بيت مصري ....غطاء الريمونت كونترول ضايع
عندنا  إذا ضاع منك شيء وأنت بتدور عليه ، إلي معاك بيسألك انت حاطه فين؟!!  يعني إنا لو عارف حاطه فين هسألك ليه
فقط عندنا 
كلمة (يا ذكي) تعني (ياغبي) 
وكلمة (بدري) تعني (متأخر) 
وكلمة (صدّقتك ) تعني (كذاب)
فقط عندنا :
بيوقفك الشرطي وياخذ بطاقتك ويبص على اسمك وصورتك بعدين يبصلك وبيسألك أنت فلان ؟
 لا انا صاحبوا  
من الحاجات الغريبه اوي انك إذا ناديت ( يا حمار ) في الزحمه, بيلتفت عليك نص الموجودين !!
ما شاء الله ,ثقة !    
العائلة المصرية  إذا طلعو رحلة بسيارتين , كل ما يشوفوا بعض على الطريق يقعدوا يضحكوا    و يسلمو على بعض ، كأنهم من سنة مش شايفين بعض !!
فقط في مصر ( فلانة ولدت و جابت بيبي )
بيسألوا : ( ليه هي كانت حامل ) !!
لأ نزلته من اليوتيوب ! 
الطفل الأجنبي إذا إمه ضربته  :
بيتعقد .. و يجيلوا عقدة نفسية و احتمال اما يكبر يبقي مجرم 
أما الطفل عندنا :
بس تضربه إمه , يجري و هو بيضحك و بيقول أصلآ ما وجعتنيش 
وتبقى خفة الدم المصريه حاضره في كل المواقف حتى مواقف الضيق والوجع
بص بقى يا سيدي علشان ما نخرجش من لقاء النهاره فاضيين أن كنت قد تبسمت فعوزك تصلي على من قال تبسمك في وجه أخيك صدقه ولو ماابتسمتش أعملي بلوك وارتاح مني