الأربعاء 19 يونيو 2019 الموافق 16 شوال 1440
العدد الورقي مجلة طلع النهار

السد العالي والصقر أبرز الغائبين عن أمم أفريقيا 2019

الأربعاء 12/يونيو/2019 - 05:14 م
احمد حسن وعصام الحضري
احمد حسن وعصام الحضري
نيازي مصطفى
طباعة
لأول مرة من 94 يغيب الثنائي أحمد حسن وعصام الحضري عن تشكيلة منتخب مصر في بطولة امم أفريقيا حيث تواجد الثنائي في نسخ 2006، 2008، 2010 و تواجد "عصام الحضري" في نسخة 2017 .

الثنائي ده مفيش إختلاف على إمكانياتهم الفنية على أي حال خصوصًا لما تكون بتتكلم على حارس تاريخي من أفضل حراس القارة تاريخيًا و لاعب إرتكاز متكامل زي أحمد حسن لكن بالإضافة لإمكانياتهم الفنية الثنائي ده بالذات كان بيتمتع بشخصية داخل الملعب فولاذية .

ما قبل عصر حسن شحاتة كان عندنا عقدة مع منتخبين الكاميرون وكوديفوار ودايمًا كان عندنا قدامهم إحساس بالدونية واننا أقل منهم لأن منتخبنا كله محلي بإستثناء ميدو واحمد حسن ومنتخباتهم كلها لاعيبة محترفة أبرزهم طبعا إيتو ودروجبا

لكن الثنائي أحمد حسن والحضري كانوا بينزلوا يلاعبوا الكاميرون وكوديفوار بروح قتالية وثقة وأيادي غير مرتعشة كأنهم بيلعبوا ماتش مع أطفال صغيرة في الشارع و بمجرد ما كنت تعرف إن الحضري وأحمد حسن في تشكيل المنتخب كنت تلقائيًا بتشعر بتفوق نفسي على أي منافس لأنك متأكد انهم لا هيخافوا ولا هيتوتروا من اي اسم مهما كان حتى لو كان دروجبا شخصيًا .

قصة دروجبا الشهيرة مع الحضري مش بس بتدل على إمكانيات الحضري لكن بتدل كمان على قوة شخصيته، أفتكر كويس ملامح الحضري و دروجبا داخل يشوط ضربة الجزاء في فاينال 2006 و معتقدش دروجبا شاف قبل كدة حارس بالثبات والثقة دي قدام نجم تشيلسي الأول .

الكلمات المفتاحية

ads
ads