الخميس 23 مايو 2019 الموافق 18 رمضان 1440
العدد الورقي مجلة طلع النهار
فوزي سعدة
فوزي سعدة

مش مهم

الخميس 17/يناير/2019 - 06:57 م
طباعة

مش مهم اللى سأل عليك وقال مالك، مش مهم اللى ما كلف خاطره ولبيتك جالك مش مهم اللى يادوب تعب نفسه وقال ايه أحوالك، مش مهم اللى عرض عليك مساعده وقال خد علشانك، مش مهم اللى مجاش يطيب خاطرك وقال أشيل معاك أحمالك، مش مهم اللى جاى يشمت فيك ويقولك فين صحتك وأموالك، مش مهم اللى جاى يشمت ويقولك البركة فيك وفى عيالك، مش مهم اللى يعاتبك ويقولك الزمن جه عليك وراح فين شكلك وجسمك فين جمالك، مش مهم اللى جاى يعاتبك ويقولك فين أعمامك وأخوالك، مش مهم اللى جواه أسود وجاى يقول اللى حصلك من أعمالك، مش مهم اللى منكد عليك وشاغل بالك، مش مهم اللى كان له مصلحة عندك ومكانش بيسيبك فى حالك، مش مهم اللى ياما جابلك معارف وقاريب ولحد بيتك جابهم وجالك، مش مهم اللى اتخلى عنك وبيتهرب منك ولا جاش يوم جه عزم عليك ولا طلع وأدالك، مش مهم تتحسر على نفسك وتقول ماشى ياسيدى سوق عليا كبرك ودلاك، مش مهم لما تفتكر يوم أنه لما كان محتاجك ياما اتغزل فيك وغنالك، مش مهم إن يلعبك بكلامه ويقولك امتى بقى هاتحقق آمالك، مش مهم لما يقولك أنا كنت مستنى منك تكيد عزالك، مش مهم من وراك يهول ويقولك للناس انه دلوقت عملك وسوالك، مش مهم نسمع كده من الناس ويثير أعصابك وما يسأل ايه اللى حطك وايه اللى شالك، مش مهم تفتكر انك لما كنت بتقابله الصبح بتأخده يوم سعيد على أساس أنه فالك، مش مهم اللى عمله فيك وخالك مش متزن لا انت عارف يمينك من شمالك، مش مهم انه ياما جه عندك وكتير من همومه شكالك، مش مهم انه ياما صعب عليك ومن جواك كنت حزين عليه بعد ما حكى قدامك وحكالك، مش مهم بعد ده كله ووقوفك جنبه وتلاقاه أخرتها باعك وخانك، مش مهم إنك بتفكر تستدعيه وتحقق فى اللى حصل وتقوله ايه رأيك فى الحاصل وايه أقوالك، مش مهم تصعب عليك نفسك وتغنى على أوتار الحزن أغنيتك وموالك، مش مهم اللى يحصل من الناس معاك كله مكتوب عليك وبرضه انت شريك فى اللى حصلك بإهمالك، مش مهم حاول تانى وراجع نفسك وسيبك من عنادك وجدالك، مش مهم اللى جرى واللى شفته فى حياتك اعتبره حلم أو كابوس أو حكاية من نسج خيالك، مش مهم إنك اتعلمت والتعليم مش ببلاش وخليك حريص حتى لو جه حد يمثل عليك أو من عينيه تنزل دموع التماسيح وبكالك، مش مهم أى حاجة حصلت انسى همومك ده الدنيا متفاته وأبدأ من جديد ونصيحة ريح بالك، وأرمى همومك على الله واتكل عليه وأرمى أحمالك.


ads
ads
ads
ads
ads
ads
ads
ads
ads