الثلاثاء 23 أكتوبر 2018 الموافق 14 صفر 1440
العدد الورقي مجلة طلع النهار
فوزي سعدة
فوزي سعدة

اشمعنى..عايز زيه

الأربعاء 08/أغسطس/2018 - 02:23 ص
طباعة

كالعادة طول ما إحنا عايشين وبنتعامل مع بشر..بنسمع منهم فى أى مناسبة لو شاف حاجة مع واحد غيره..يقول فى نفسه اشمعنى هو..عايز زيه؟..هو أحسن منى فى ايه؟..ويضرب أخماس فى أسداس ويضغط على أهله..أو على نفسه المهم علشان ما يكونش أقل من اللى قدامه..وده دايما بنشوفها لو فى واحد مثلا فتح محل لتجارة أى نوع من السلع..مرة واحدة تشوف الشارع امتلئ باليافطات المتنوعة للدعاية عن المحل اللى يخصه..وزى ما بيقولوا بالبلدى أصبحت سويقة..أى مولد وصاحبه غايب..رغم إن كله مقتنع أى فى الآخر محدش بياخد أكثر من رزقه مهما عمل!..بس هى طفاسة والسلام ومهما تحاورهم فيهم طب ليه ياجماعة بتزعموا بعض على العيش..يكون الرد اهوه عاملين مشروع نسلى نفسنا به..بدل القاعدة فى البيت وياعم اهوه برضه اسمه سعى..ونعم بالله بس السعى يكون فى محله..مش مجرد انا شايف اللى قدامة بيعمل كده..فيكون تقليد اعمى والسلام!..وأقرب مثل عندنا وشايفينه انتشر فى شوارعنا الهباب اللى اسمه التوكتوك..كل من هب ودب اللى معاه سالف حقه لازم يعمل المشروع ده..اصل فلان عنده كام واحد ومشغلهم وفاتح بيهم بيوت..وعيشتة اصبحت معدن بعد ما كان بيستلف منى السجاير..تشوفه بقى نضيف وعايق ومحدش عجبه..ماهو ياجماعة انتم عارفين بتعملوا ايه فى بلدنا..مش كفاية التلوث اللى الناس اصلا عامله فى نفسها..لازم نزود المبلة طين وزحمة وهيصة وتسابق مين اللى يأخد الزبون الأول..ده غير الخناقات وقله القيمة اصل ده زبونى وانا عارفة..اصل ده حاتى وبيدفع كويس..علشان كده ماحدش يقدر يأخده..ده غير بدل مانستخدم التكاتك صح..ممكن نشتغل بها شغل شمال تجيب ايراد أكثر والجدع اللى فى الآخر نصيبه يكون فيها أكثر..مش مهم ازاى جابهم؟..المهم معايا اد ايه! على حساب أى حاجة عادى.. بنمحى عاداتنا وتقاليدنا الجميلة..عادى.. بنقضى على الأخلاق والتسامح عادى..المهم يقولوا عليا المعلم راح..المعلم جه..هدى نفسك ياسيد المعلمين وابلع ريقك..مها ممكن فى عركة من اللى بتحصل بينكم حد يغزك تروح فيها ويبقى ساعتها عليه العوض..مش مهم احينى النهاردة وموتنى بكرة..ياابنى النفس امارة بالسوء ومحدش بيحب حد احسن منه..ياعم سيبك من الكلام المهم الجيب يكون مليان..وبينتج عن ذلك نحسد فى بعض..ونتمنى زوال النعمة من الغير..والواحد من دول هو نفسه يقعد يفكر ويحسبها ازاى أصبح أحسن من اللى قدامى..ويمسكه الفكر والوسواس وبالتالى المريض يقضى عليه بدرى.. وآخرتها مفيش حاجة هاتدخل معاه القبر.. واللى هايستفاد بها فى الآخر الورثة هما اللى يتمتعوا بفلوسة.. والسبب من البداية اشمعنى أنا..عايز زيه؟ ياناس ياهووه ياريت نبطل نبص لغيرنا ونقول اشمعنى..أصلنا ماشيين بمبدأ نفوت مرة..ونزعل مرة..ونعاتب مرة..ونطنش مرة..أقولكم أنا عن نفسى دايماً باقول واكررها..خلاص شطبنا..شطبنا تقدير للى مبيقدرش..شطبنا إخلاص للى مابيخلصش..شطبنا للى مبيحبش غير نفسه..شطبنا كل حاجة حلوة بنعملها.

ads
ads
ads
http://www.elkalimanews.com/67799
http://www.elkalimanews.com/67799
ads
ads
ads
ads
ads